श्री शिवताण्डवस्तोत्रम् Shri Shivatandava Strotam

श्री शिवताण्डवस्तोत्रम् Shri Shivatandava Strotam श्री रावण रचित by shri Ravana

श्री शिवताण्डवस्तोत्रम् Shri Shivatandava Strotam

---

जटाटवीगलज्जलप्रवाहपावितस्थले गलेऽवलम्ब्य लम्बितां
भुजङ्गतुङ्गमालिकाम् ‌।
डमड्डमड्डमड्डमन्निनादवड्डमर्वयं
चकार चण्डताण्डवं तनोतु नः शिव: शिवम्‌॥१॥

Jatatavi galaj jalapravaah paavit sthale
Galeava lamabya lambitaam bhujangatung maalikaam
Dam daadam ddamdadam ninnanada vaddamarvayam
Chakaar chandtandavam tanotu nah shivah shivam [1]

जटाकटाहसम्भ्रमभ्रमन्निलिम्पनिर्झरी-
विलोलवीचिवल्लरीविराजमानमूर्द्धनि ।
धगद्धगद्धगज्ज्वलल्ललाटपट्टपावके
किशोरचंद्रशेखरे रतिः प्रतिक्षणं मम ॥२॥

Jata kata hasambhram bhrammani limpanirjhari
Vilolavichivallari virajmaanmurdhani
Dhag dadhag dadhag gajjval lallalaat pattapaavake
Kishora chandrashekhare ratih pratikshanam mama [2]

धराधरेन्द्रनंदिनीविलासबन्धुबन्धुर-
स्फुरद्दिगन्तसन्ततिप्रमोदमानमानसे।
कृपाकटाक्षधोरणीनिरुद्धदुर्धरापदि
क्वचिद्दिगम्बरे मनो विनोदमेतु वस्तुनि ॥३॥

Dhara dharendra nandini vilas bandhu bandhura
Sphur digant santati pramod maan maanase
Krupa kataksh dhorani niruddh durdharapadi
Kwachiddigambare mano vinodmetu vastuni [3]

जटाभुजङ्गपिङ्गलस्फुरत्फणामणिप्रभा-
कदम्बकुङ्कुमद्रवप्रलिप्तदिग्वधूमुखे ।
मदान्धसिन्धुरस्फुरत्त्वगुत्तरीयमेदुरे
मनो विनोदमद्भुतं बिभर्तु भूतभर्तरि ॥४॥

Jata bhujang pingal sphurtphana maniprabha
Kadamb kunkum dravapralipt digva dhumukhe
Madandha sindhu rasphuratv guttariyamedure
Manovinodamadbutam bibhartu bhutabhartari [4]

सहस्रलोचनप्रभृत्यशेषलेखशेखर-
प्रसूनधूलिधोरणीविधूसराङ्घ्रिपीठभूः ।
भुजङ्गराजमालया निबद्धजाटजूटक:
श्रियै चिराय जायतां चकोरबन्धुशेखरः ॥५॥

Sahasralochana prabhritya sheshlekhshekhara
Prasuna dhulidhorani vidhusaranghripithabhuh
Bhujangarajamalaya nibaddhajaatajutakah
Shriyai chiraya jayataam chakorabandhushekharah [5]

ललाटचत्वरज्वलद्धनञ्जयस्फुलिङ्गभा-
निपीतपञ्चसायकं नमन्निलिम्पनायकम् ।
सुधामयूखलेखया विराजमानशेखरं
महाकपालि सम्पदे शिरो जटालमस्तु नः ॥६॥

Lalata chatvarajwaladdhanajnjayasphulingabha
nipeetapajnchasayakam namannilimpanayakam
Sudhamayukha lekhaya virajamanashekharam
Mahakapaali sampade shiro jatalamastu nah [6]

करालभालपट्टिकाधगद्धगद्धगज्ज्वल-
द्धनञ्जयाहुतीकृतप्रचण्डपञ्चसायके ।
धराधरेन्द्रनन्दिनीकुचाग्रचित्रपत्रक-
प्रकल्पनैकशिल्पिनि त्रिलोचने रतिर्मम ॥७॥

Karala bhala pattikadhaga dadhagadadhagajjavala
Dadhanajnjaya hutikruta prachandapajnchasayake
Dharadharendra nandini kuchagrachitrapatraka
Prakalpanaikashilpini trilochane ratirmam [7]

नवीनमेघमण्डलीनिरुद्धदुर्धरस्फुर-
त्कुहूनिशीथिनीतम: प्रबन्धबद्धकन्धरः ।
निलिम्पनिर्झरीधरस्तनोतु कृत्तिसिन्धुरः
कलानिधानबन्धुरः श्रियं जगद्धुरंधरः ॥८॥

navina megha mandali niruddha durdharasphura
Tkuhu nishithinitamah prabandha baddhakandharah
nilimpanirjhari dharastanotu krutti sindhurah
Kalanidhaanabandhurah shriyam jagaddhurandharah [8]

प्रफुल्लनीलपङ्कजप्रपञ्चकालिमप्रभा-
वलम्बिकण्ठकन्दलीरुचिप्रबद्धकन्धरम् ।
स्मरच्छिदं पुरच्छिदं भवच्छिदं मखच्छिदं
गजच्छिदांधकच्छिदं तमन्तकच्छिदं भजे ॥९॥

Praphulla neela pankaja prapajnchakalimprabha
Valambikanthakandali ruchi prabaddhakandharam
Smarachchhidam purachchhidam bhavachchhidam makhachchhidam
Gajachchhidandha kachchhidam tamamtakachchhidam bhaje [9]

अखर्व सर्वमङ्गलाकलाकदम्बमञ्जरी-
रसप्रवाहमाधुरीविजृम्भणामधुव्रतम् ।
स्मरान्तकं पुरान्तकं भवान्तकं मखान्तकं
गजान्तकान्धकान्तकं तमन्तकान्तकं भजे ॥१०॥

Akharva sarvamangala kalakadamba manjari
Rasapravaha madhuri vijrumbhanaama dhuvratam
Smarantakam purantakam bhawantakam makhantakam
Gajantakandhakaantakam tamntakaantakam bhaje [10]

जयत्वदभ्रविभ्रमभ्रमद्भुजङ्गमश्वस-
द्विनिर्गमत्क्रमस्फुरत्करालभालहव्यवाट् ।
धिमिद्धिमिद्धिमिध्वनन्मृदङ्गतुङ्गमङ्गल-
ध्वनिक्रमप्रवर्तितप्रचण्डताण्डवः शिवः ॥११॥

Jayatvada bhravibhrama bhrama dbhujangamashwasa
Dvinirgamtkram sfurtkraal bhaal ahvyavaat Dhimiddhimiddhi midhvannmrudanga tungamangala
Dhwanikrama pravartit prachanda tandavah shivah [11]

दृषद्विचित्रतल्पयोर्भुजङ्गमौक्तिकस्रजो-
र्गरिष्ठरत्नलोष्ठयो: सुहृद्विपक्षपक्षयोः
तृणारविन्दचक्षुषोः प्रजामहीमहेन्द्रयोः
समंप्रवृत्तिक: कदा सदाशिवं भजाम्यहम्॥१२॥

Drushadwichitra talpayorbhujanga maukti kasrajor
Garishtha ratnaloshthayoh suhriyaydwipaksh pakshyoh
Trushnara vinda chakshushoh prajamahi mahendrayoh
Samam pravruttikah kada sadashivam bhajamyaham [12]

कदा निलिम्पनिर्झरीनिकुञ्जकोटरे वसन्
विमुक्तदुर्मतिः सदा शिरःस्थमञ्जलिं वहन् ।
विलोललोललोचनो ललामभाललग्नकः
शिवेति मंत्रमुच्चरन् कदा सुखी भवाम्यहम् ॥१३॥

Kada nilimpanirjhari nikujnjakotare vasan
Vimukta durmatih sada shirah sthamajnjalim vahan
Vilol lol lochano lalama bhaal lagnakah
Shiveti mantramuchcharan kada sukhi bhavamyaham [13]

इमं हि नित्यमेवमुक्तमुत्तमोत्तमं स्तवं
पठन्स्मरन्ब्रुवन्नरो विशुद्धिमेति सन्ततम्‌।
हरे गुरौ सुभक्तिमाशु याति नान्यथा गतिं
विमोहनं हि देहिनां सुशङ्करस्य चिन्तनम् ॥१४॥

Imam hi nityameva muktamuttamottamam stavam
Pathansmaran bruvannaro vishuddhimeti santatam
Hare gurau subhaktimashu yaati nanyatha gatim
Vimohanam hi dehinam sushankarasya chintanam [14]

पूजावसानसमये दशवक्त्रगीतं
यः शम्भुपूजनपरं पठति प्रदोषे ।
तस्य स्थिरां रथगजेन्द्रतुरङ्गयुक्तां
लक्ष्मीं सदैव सुमुखीं प्रददाति शम्भुः ॥१५॥

Pooja vasan samye dashavaktrageetam
Yah shambhupujanparam pathti pradoshe
Tasya sthiraam rathagajendra turangayuktaam
Lakshmim sadaiva sumukhim praddati shambhuh [15]

॥ इति श्रीरावणकृतं शिवताण्डवस्तोत्रं सम्पूर्णम् ॥

Iti shriravanakratam shivtandavastrotam sampoornam

-सहयोग: श्री अवनीश कुमार यादव-